Рамос: Можеби Нејмар отиде во ПСЖ затоа што полесно ќе му биде од таму да дојде во Реал Мадрид

Нејмар ги урна сите можни рекорди и го промени фудбалскиот пазар со трансферот од Барселона во ПСЖ. Но и покрај неговата добра форма во францускиот клуб, повеќе се зборува за проблемите кои ги создава и негово можно заминување.

Се шпекулира дека Реал Мадрид може да биде следна дестинација за Нејмар, а Серхио Рамос посакува да го види Бразилецот во кралскиот клуб.

„Сакам да ги имам најдобрите покрај мене, а јасно е дека Нејмар е еден од нив“ – изјави Рамос за шпанските медиуми.

„Можеби за него беше полесно од Барселона да отиде во ПСЖ отколку директно во Реал Мадрид“.

„Тоа се лични одлуки, никогаш не знаете што може да се случи. Јас ја оставам вратата отворена за него доколку сака да дојде. Имам добар однос со Нејмар“.