Работнички го засили стручниот штаб

„Михаило Шејкероски – Шани е ново име во стручниот штаб на ФК Работнички. Младиот и докажан стручњак, кој има богато меѓународно искуство ќе биде задолжен за физичката подготвеност на фудбалерите на Работнички и е засилување во стручниот штаб на Ратко Достаниќ“, стои во соопштението на Работнички.

Во последните неколку години Шејкероски работеше во Бугарија, во Ботев Пловдив, Локомотив Пловдив и Септември од Софија. Во Македонија има работено во Металург и Академија Пандев.