Работнички подобар од Беса, Силекс дома не го победи Тиквеш, Шкендија славеше над Брера

Денеска на програмата во ПМФЛ се одиграа преостанатите натпревари од 25. коло во ПМФЛ откако во саботата Вардар славеше над Пелистер во дербито во Битола со 1-3.

Работнички на свој терен освои три бода и славеше над Беса со 1-0 . Човек на одлука беше Анес Рушевиќ кој погоди во 55. минута од пенал.

Без победа денеска остана Силекс кој одигра 1-1, па така дозволи на Работнички да му се доближи на табелата. Во Кратово Тиквеш прв дојде до водство преку Мишв, а Додев израмни во 35. минута.

Шкендија која е лидер славеше на свој терен над Брера со 2-1. На табелата сега тетовскиот клуб има 53 бода, четиир повеќе од Силекс и пет од Работнички.

Натпреварот во Тетово денеска беше одбележан со скандалозното однесување на домашните фанови кои не ја испочитуваа минутата молк пред почетокот на средбата. (ТУКА).

Во преостанатите две средби Воска со 0-2 го совлада Гостивар, а Стругаи  Шкупи одиграа без голови.