Легендата на
Барселона, поранешниот дефанзивец Карлес Пујол го поддржа својот поранешен
тренер Пеп Гвардиола, кој моментално е предводник од клупата на англискиот
првак Манчестер Сити во обидите да дојде до нова титула во Лигата на
шампионите.
Сезонава речиси е
невозможна мисија за „Граѓаните“ да го стигнат Ливерпул во Премиерлигата, па
големи се очекувањата да фрлат се’ на една карта во Лигата на шампионите, а во таа мисија тргнаа добро откако
славеа на гостувањето кај Реал Мадрид во првата пресметка со тој противник во
осминафиналето.
„Според мене, Пеп
е најдобриот тренер, јас го имав најдобриот тренер во светот“ вели Пујол за
специјализираниот фудбалски портал „Гол“.
„Вие веднаш би
можеле да воочите дека тимот е предводен од Пеп Гвардиола по начинот на кој
игра истиот, тоа е причина поради која јас сум убеден дека повторно ќе ја освои
титулата во Лигата на шампионите“ додава тој.
„Не можам точно
да кажам дека тоа ќе се случи со Манчестер Сити, но тие ќе се фокусираат
максимално на тоа натпреварување, бидејќи станува извесно дека е речиси
невозможно да се стигне Ливерпул во Премиерлигата“ посочи Пујол.