Фудбалерите на ПСЖ стигнаа до убедлива победа на гостувањето кај Сент Етиен со 1-6 (1-1) во рамките на 27. коло во француската Лига 1.
Со овој триумф парижани се на чекор до титулата во Франција, бидејќи веќе имаат капитална предност од 22 бода. Притоа, уште вечерва избраниците на Луис Енрике можат да стигнат до трофејот, ама само во случај ако Монако и Ница во дербито одиграат без победник.
Резултатот го отвори Стасин во деветтата минута за предност од Сент Етиен (1-0). Водеше домаќинот до 43. минута, а тогаш Гонсало Рамос израмни на 1-1 од белата точка.
Во вториот дел набрзина ПСЖ стигна до пресврт. Прво погоди Квича Кварацкелија во 50. минута, а три подоцна на 1-3 зголеми Дезире Дуе. Во продолжението стрелаше Жоао Невеш, повторно Дуе и Ибрахим Мбаје (1-6).
ПСЖ веќе има 71 бод и може на седум кола пред крајот да дојде до трофејот.