Реперзентативецот на БиХ, Сеад Колашинац го одбрал Арсенал како следна дестинација во неговата кариера.
Информацијата за овој трансфер први ја пренесоа весниците од Германија, а попладнево истото го потврдија и медиумите од „Островото“.
Извештаите велат дека дефанзивецот на Шалке со „Топчиите“ ќе стави потпис на пет годишен договори и ќе заработува околу седум милиони евра по сезона на Емирати.
Според многумина, Колашинац е најдобриот лев бек во Бундеслигата оваа сезона, и доколку информациите за овој трансфер се точна, во тој случај Арсенал доби квалитетно засилување без притоа да плати обештетување.
Договорот на Колашинац со тимот од Гелзенкирхен истекува на 30. јуни и тој одби да ја продолжи соработката.
За неговите услуги заинтересирани беа уште неколку екипи како Милан, Тотенхем и Евертон.