Претседателот на Реал Мадрид, Флорентино Перез испрати нови отрови стрели до Барселона за случајот „Негреира“, вели дека ова е најголемиот скандал во модерниот фудбал.
Флорентино Перез го одржа својот редовен говор пред божиќните и новогодишни празници, првиот човек на Реал Мадрид ја искористи оваа прилика повторно да ја нападне Барселона.
„Случајот „Негреира“ е најголемиот скандал во модерниот фудбал. Знаеме дека повеќе од 8 милиони евра се исплатени за да се изготвуваат извештаи, а тренерите никогаш не ги виделе“ – порача Перез, алудирајќи на сведоштвата на Луис Енрике и Ернесто Валверде, кои изјавија дека никогаш не ги користеле овие извештаи.
„Па како да веруваме дека навистина било платено за правење изветаши а не за други работи?“
„Ова е само уште еден доказ дека ни се потребни радикални промени“.
„Можно е одредени клубови да испаднале како резултат на случајот „Негреира“. Нанесена е голема штета на нашиот фудбал и мора да има правда“.