Ботошани успеа да
го елиминира првакот на Романија, Клуж во рамките на 16. финалето од
националниот куп во тој шампионат, а тоа домаќинот го стори по подобро
изведување во ударите од белата точка, откако претходно резултатот беше
израмнет и гласеше 2-2.
Токму нашиот
интернационалец Стефан Ашковски го отвори мечот во Ботошани на резултатски план
во корист на домаќините во 37. минута, а со тој гол на Македонецот се замина на
паузата.
27 годишниот бек
сезонава одигра девет меча за Ботошани по десет одиграни кола во најсилниот
шампионат на Романија, а притоа постигна и два погодоци.
Ашковски тргна
доста добро во дресот на Ботошани каде игра од летниот преоден рок по
трансферот од Славија Софија, неговиот важечки договор со романскиот прволигаш
истекува идното лето, па веројатно е дека добрите настапи ќе му донесат и нов
договор, а можеби и „посилна“ средина.