Прв меч за Димитриевски оваа сезона во Ла Лига, Валенсија загуби и падна на последното место!

Столе Димитриевски за првпат бранеше за Валенсија на меч во Ла Лига, но неговиот тим загуби на гостувањето кај Ваљадолид и падна на последното место на табелата.

Тоа беше дуел меѓу двете екипи кои се на дното, Ваљадолид беше последен пред овој меч, но со денешната победа ја скокна Валенсија.

Клучниот момент се случи во 20. минута кога Ануар му даде гол на Димитриевски. Тој излезе сам пред македонскиот голман и со доза на среќа погоди за 1-0, што беше и конечен резултат.