Продажбата на Милан се одложи за нови 30 дена

Милан требаше да биде продаден до 3. март, кинескиот конзорциум „Сино Јурот Спортс“ требаше да уплати уште 320 милиони евра, но тоа не се случи.

Постигнат е договор кинезите да уплатат уште 100 милиони евра, а комплетирањето на купопродажбата да се одложи за нови 30 дена.

Тоа значи дека Кинезите веќе имаат платено 200 милиони евра. Најпрво платија капар од 100 милиони, а сега плаќаат уште 100 за дополнително одложување.

И покрај тоа што од уплатената сума може да се заклучи дека продажбата на Милан е само прашање на време, целата ситуација ги иритира навивачите на клубот.