Килијан Мбапе не играше за репрезентацијата на Франција на минатите собири, а во медиумите кружеа приказни дека се работи за нарушени односи меѓу него и селекторот Дидие Дешамп.
Сепак, по половина година ѕвездата на Франција се враќа во репрезентативниот табор. Мбапе повторно ќе заигра за „триколорите“, а тоа го потврди самиот Дешамп.
„Веќе разговарав со него и му потврдив дека ќе биде капитен. Играше 120 минути во средата, кога се игра на секои три дена не е лесно. Понекогаш е подобро играч да не тренира ако тоа значи дека ќе биде подготвен да игра. Се надевам дека викенд дуелите ќе минат добро за повиканите играч. Немам информации за тоа дека постои физички проблем“, изјави Дешамп.
Сезонава Мбапе игра во врвна форма, за Реал Мадрид одигра 42 натпревари и постигна 28 погодоци во сите натпреварувања.