Репрезентацијата на Франција во претстојните четвртфинални натпревари од Лигата на нациите против Хрватска ќе мора без една од ѕвездите.
Поради повреда од комбинација отпадна Маркус Турам, кој е еден од напаѓачите кои играат во најдобра форма сезонава. Ѕвездата на Интер неколку натпревари сезонава играше под инекции за болка, а досега има постигнато 17 погодоци и е еден од носителите на играта на италијанскиот првак.
Сепак, Турам поради болка во зглобот во консултација со лекарскиот тим и селекторот Дешамп одлучија да се врати во Милано. Французите ќе продолжат со останатите 23 фудбалери и нема да повикаат замена. Една позитивна работа е дека во таборот на „триколорите“ има неверојатен напаѓачки капацитет и талент, па се очекува останатите да го надополнат отсуството на Турам.
Франција и Хрватска ќе одиграат четвртфинален двомеч на 20 и 23 март.