Долго време се
говори дека Хамес Родригез ова лето ќе го напушти Сантијаго Бернабеу поради
малата минутажа која ја ужива кај Зинедин Зидан.
Колумбиецот се
поврзува со голем број на екипи, а како најсериозни кандидати се посочуваа ПСЖ
и Манчестер јунајтед.
Медиумите од
Колумбија пренесуваат дека сега конечно ќе пристигне првата понуда за услугите на
плејмејкерот.
Според Хавиер
Ернандез Бонет, кој е главен спортски удредник на Каракол Телевисион, конкретен предлог на маса ќе стават Карло Анчелоти и Баерн Минхен.
Извештајот вели
дека „Баварците“ во следните неколку часа официјално ќе ја испратат понудата.
Останува да се
види дали има вистина во ваквите стории, Баерн Минхен ова лето веќе се откажа
од Алексис Санчез поради превисоката сума која беше потребна за реализирање на
трансферот.
Реал Мадрид нема лесно да се откаже од Хамес Родригез, па шампионот на
Германија ќе треба да одвои слична сума и за Колумбиецот.