Сенегал по втор пат е шампион на Африка, популарните „Лавови од Теранга“ беа пред пораз во финалето против Мароко, но се вратија од мртвите и на продолженија славеа со 0-1.
Сенегал го освои Африканскиот куп на Нации, во финалето го совлада домаќинот Мароко. Во приказна како од филм, популарните „Лавови од Теранга“ се вратија од мртвите и на продолженија славеа со 0-1.
Вистинска драма се случуваше во последните секунди од регуларниот дел кога беше досуден сомнителен пенал за Мароко.
Фудбалерите на Сенегал не се сложуваа со одлуката, па дури и го напуштија теренот во знак на протест. Но Садио Мане некако ги убеди да се вратат, а Брахим Дијаз ја зема топката и тргна да донесе славје.
Но наместо да биде херој и да го направи Мароко шампион на Африка по пауза од 50 години, напаѓачот на Реал Мадрид се избрука за сите пари и со „паненка“ практично му ја подаде топката на голманот Менди.
How on earth is it possible that Senegal players don’t celebrate at all when Mendy save the penalty on Brahim Diaz?!
— Tancredi Palmeri (@tancredipalmeri) January 18, 2026
I say again: in my opinion it was missed on purpose#AFCON2025 pic.twitter.com/xlx35baPgg
Сенегал знаеше како да го искористи ова, па веднаш на стартот од продолжението поведе со 0-1, Папе Геј биеше неодбранливо во аголот за огромна радост на гостите.
Adı Galatasaray ile anılan Pape Gueye'nin Afrika Kupası Finali'nde attığı enfes gol
— Adrian İLİE (@Adrian_iliee) January 18, 2026
pic.twitter.com/o8AsS96X0f
Борбата на теренот се распламна, двете селекции имаа уште неколку шанси, но за некое чудо мрежите мируваа и резултатот остана 0-1, па Сенегал можеше да почне со славјето.
Овој натпревар сигурно никогаш нема да биде заборавен и долго време ќе се прераскажува.