Претседателот на Македонија, Стево Пендаровски го посети Осогово (ФОТО)

На Осогово засега не му оди најдобро на теренот, но не престанува да импресионира на другите полиња од работењето на клубот. Кочанскиот клуб е хит на социјалните мрежи со креативните твитови на нивниот админ, а раководството отиде и чекор понатаму откако успеа да го донесе во посета претседателот на Македонија, господинот Стево Пендаровски.

Ретко кој клуб може да се пофали дека го пречекал претседателот на државата, а од денеска еден таков е Осогово.

Претседателот Пендаровски се запозна со актуелната состојба на клубот, доби шал и сезонски билет и вети дека би сакал во иднина да присуствува и на натпревар на Осогово. 

View this post on Instagram

@gfkosogovo постои од далечната 1924 година и е препознатлив бренд на Кочани. #Лицевлице со фудбалерите дознав дека нивните натпревари се меѓу најпосетените. Во прва прилика ќе присуствувам на еден од нивните натпревари. Чест ми беше што застанав на теренот кадешто во 1994 година, на фудбалскиот дуел меѓу младинските селекции на Македонија и Данска за прв пат беше интонирана македонската химна на еден меѓудржавен натпревар. Момци, многу успеси!

A post shared by Стево Пендаровски (@stevopendarovski) on Oct 1, 2019 at 7:39am PDT

Фото: ФК Осогово, Виктор Крстевски