67
Фудбалерот од средниот ред на Интер, Марсело Брозовиќ ќе биде една од ѕвездите на летниот преоден рок откако интересот за него постојано се зголемува.
„Не можам да ги откријам имињата на клубовите, но Премиерлигашите се интересираат за Брозовиќ и ние сме во контакт со нив“ – изјави агентот Мирослав Бичаниќ за хрватските медиуми.
„Верувајте ми, Марсело ќе биде баран ова лето“.
Се претпоставува дека Манчестер јунајтед, Челси и Тотенхем се интересираат за неговиот потпис.
Мурињо беше во Хрватска на квалификацискиот меч против Украина за да го следи токму Брозовиќ.
Но главниот збор ќе го има Интер, тој ќе одлучи дали ќе сака да заработи добро на негово заминување или ќе го задржи во тимот.