Премиерлигашите крадат уште еден талент на Барса, на „Островото“ се сели нов бисер од „Ла Масија“

Фудбалерите од школата на Барселона често се мета на клубовите од „Островото“ кои можат да им понудат убави договори кога ќе наполнат 16 години.

Сеск Фабрегас и Ектор Бељерин се најзвучните имиња, а според каталонските медиуми, на пат за „Островото“ е уште еден бисер од „Ла Масија“.

Се работи за дефанзивецот Ерик Гарсија кој настапува во Кадети А.

16 годишното момче решилo да не го продолжи договорот со Барселона, и да ја прифати богатата понуда на Манчестер Сити.

Медиумите блиски до Барса велат декa Ерик Гарсија важи за еден од најперспективните играчи во школата, и „Каталонците“ веќе планирале полека од следната сезона да го промовираат во првиот тим.