Преку профилот на резервниот тим, Барселона го соопшти второто засилување за новата сезона

Барселона попладнево го потврди трансферот на Руни Бардгџи од Копенхаген, офанзивниот фудбалер стави потпис на договор до 2029 година.

Руни Бардгџи е второто засилување за „каталонците“ ова лето, откако минатата недела фудбалерот успешно ги мина лекарските прегледи, денеска пристигна и официјална потврда.

Интересно е тоа што трансферот беше најавен преку профилите на резервниот тим, Барса Атлетик и веројатно таму ќе се води неговата регистрација.

Детали од зделката не се откриваат, но се шпекулира дека клубот од Камп Ноу ќе плати околу 2 милиони евра за 19 годишниот Руни Бардгџи, кој важи за еден од најталентираните фудбалери во својата генерација.

ФОТО: X/Barça Atlètic