Напаѓачот на Вест Хем, Мајкл Антонио, ги одигра првите минути по тешката сообраќајна несреќа што ја доживеа во декември минатата година.
Антонио со своето Ферари излета од патот и удри во дрво, при што се здоби со сериозни повреди. По долга рехабилитација, се врати на терените и доби пет минути игра во пријателскиот натпревар меѓу Јамајка и Гватемала (0-1).
Инаку, по несреќата на 7 декември во англиската област Есекс фудбалерот беше пренесен во болница со хеликоптер. Неговите повреди беа навистина тешки, ја скрши бутната коска и веднаш беше опериран. Сепак, тој напорно работеше и за само шест месеци се врати на терените.
