Празничен фудбал во Македонија – денеска играат второлигашите!

Клупскиот фудбал во Македонија не мирува и покрај тоа што нашата репрезентација игра квалификациски мечеви, денеска, празнично, на 11 Октомври се игра коло од Втората лига.

На програмата се сите натпревари од осмото коло, а дербито е во Штип каде Брегалница од 18 часот под рефлектори ќе го пречека тимот на Скопје.

Останатите седум натпревари почнуваат од 15 часот, а се среќаваат: Саса – Преспа, Кожуф – Детонит, Новаци – Охрид, Осогово – Беласица, Победа – Слога Виница, Тетекс – Шкендија Арачиново и Вардар Неготино – Големо Коњари.