Меѓу четирите селекции кои веќе обезбедија место во групата на носители се двата последни Европски шампиони, Италија и Португалија. Покрај нив за противник би можеле да добиеме и некои од Шкотска и Русија.
За останатите две ќе треба да почекаме да завршат и утрешните (вторник)квалификациски натпревари.
Засега во групата на носители се Шведска и Полска, но тие можат да паднат од тие позиции во зависност од резултатите на Велс и Турција.
Шведска може да падне од групата на носители само ако Турција ја победи Црна Гора со шест или повеќе голови разлика, нешто што реално не е за верување, но теоретски е возможно.
Велс ако не загуби од веќе квалификуваната Белгија ќе влезе наместо Полска во групата на носители, а ако загубат веројатно Чешка ќе ги престигне на втората позиција во нивната Е група.
Останува да почекаме до утре (вторник), за да ја дознаеме конечната листа на можни противници на Македонија, а кој од нив ќе ни се падне ќе биде познато на 26 ноември за кога е закажана ждрепката.