Познати петте кандидати за најдобар тренер, еден се издвојува како изразит фаворит

Француското списание „France Football“ денеска ги објави петте финалисти за наградата „Јохан Кројф“ која се доделува на најдобриот тренер за изминатата сезона.

На листата има пет имиња, а едно се издвојува од конкуренцијата и со право. Луис Енрике е прв фаворит за престижната награда „Јохан Кројф“ за најдобар тренер во сезоната 2024/25, која ќе биде доделена на церемонијата за „Златната топка“.

Шпанецот се издвојува поради историската сезона со ПСЖ, освојувајќи тројна круна и играјќи финале на Светското клупско првенство.

Меѓу останатите кандидати се и Ханси Флик, Антонио Конте, Енцо Мареска и Арне Слот. Победникот ќе биде објавен на 22 септември во Париз.