Повредата на Олмо не е сериозна, но ќе пропушти некои важни натпревари

Фудбалерот на Барселона, Дани Олмо поради повреда вчера предвреме го заврши натпреварот против Осасуна, одигра помалку од половина час.

Олмо даде гол од пенал во 21. минута, а седум минути подоцна поради повреда мораше да го напушти мечот.

Сепак, првичните информации од Каталонија се позитивни, повредата не е сериозна.

„Радио Каталуња“ информира дека Олмо би бил надвор од теренот околу две недели.

Ќе ги пропушти натпреварите против Атлетико Мадрид и Бетис, а би можел да биде во комбинација за дуелот со Борусија Дортмунд од Лигата на шампионите. За првата средба би бил неизвесен, но за реваншот сигурно ќе биде подготвен.