Кристијано Роналдо доби ново големо признание во татковината. Капитенот на Португалија и ѕвездата на Ал Наср е прогласен за најдобар фудбалер на сите времиња во својата земја.
Наградата „најдобар на сите времиња“ му ја додели Фудбалската лига на Португалија. Во образложението беше наведено дека Роналдо е идол на милиони луѓе и дека обележал цела една ера во светскиот фудбал.
Португалецот не присуствуваше на свеченоста, но се обрати со видео порака. „Благодарен сум на сите соиграчи кои ми помогнаа низ кариерата и на тренерите кои секогаш ме правеа подобар“, порача Роналдо.
Со 223 настапи и 141 гол, Роналдо е светски рекордер по број на мечеви и голови за една репрезентација. Последниот гол го постигна пред два дена против Унгарија во победата од 2-3.
Se o 𝐆𝐎𝐀𝐓 fala, nós escutamos 🐐
— Liga Portugal (@ligaportugal) September 10, 2025
A mensagem 💬 de Cristiano Ronaldo após ser premiado no 𝐋𝐢𝐠𝐚 𝐏𝐨𝐫𝐭𝐮𝐠𝐚𝐥 𝐀𝐰𝐚𝐫𝐝𝐬 🏆 pic.twitter.com/gdwEQEObYD