По години исполнети со тешки повреди и неколку операции поранешниот дефанзивец на Аталанта, Јувентус и Милан, Матија Калдара, одлучи да стави крај на фудбалската кариера на само 31 година. Во емотивно писмо тој ја отвори душата објаснувајќи дека бил принуден на ваква одлука.
„Драг фудбалу, збогум. Одлучив да запрам. Не, не беше лесно да ја донесам оваа одлука. Не е лесно ниту да ги напишам овие зборови. „Драг фудбалу, збогум“ Постојано го читам ова одново. Можеби ова е начин да го прифатам. Да го прифатам малку повеќе. Сега најдов малку мир. Но, ми требаше време да ја донесам оваа одлука..
Сè почна во јули по прегледот кај специјалист кој отворено ми кажа: „Матија, веќе немаш рскавица во скочниот зглоб. Ако продолжиш да играш, за неколку години ќе мора да ти ставиме протеза“.’Моето тело ме предаде“, стои во пораката на Калдара.
Во дресот на Аталанта Калдара се наметна како еден од најдобрите италијански стопери, а потоа се пресели во Јувенту, па во Милан, меѓутоа повредите го спречија да оствари поголема кариера.
Mattia #Caldara annuncia il ritiro dal calcio giocato a https://t.co/qHJ83Sogo1: "Caro calcio, io ti saluto. Ho deciso di smettere." La sua lettera per "Consapevolezze"https://t.co/87sgAoFn2K
— Gianluca Di Marzio (@DiMarzio) November 15, 2025