Поранешен ас на Реал: Модриќ е неверојатен, ама не го сакаа кога дојде во клубот!

Лука Модриќ и на 39 години игра во одлична форма за Реал Мадрид. Можеби нема крупна улога во тимот како што беше во минатото, ама Хрватот е дел од редовната ротација во играта на Карло Анчелоти.

Пофални зборови, но и интересна работа откри поранешниот ас на мадриѓани Хесе Родригез.

„Лука Модриќ е неверојатен… Сепак, се сеќавам кога дојде во Реал Мадрид луѓето не го сакаа многу. Мурињо тогаш не предупреди и рече ќе видите што ќе направи. Тој е неверојатна личност и играч, само видете го последниот гол. Во Реал Мадрид во тие години не беше лесно“, изјави Хесе.

Договорот на Модриќ истекува налето, а постојат најави дека ќе добие уште еден нов договор со клубот.