„Специјалниот“ изминатово лето го донесе Немања Матиќ, а последните информации велат дека Португалецот сега мерка уште еден играч на Челси.
Дон Балон пренесе дека по поразот на Стемфорд Бриџ, Жозе Мурињо разговорал со Сеск Фабрегас и го убедувал да му се придружи во Манчестер јунајтед.
Повредите на Пол Погба и Маруан Фелаини го оставија менаџерот на „Црвените ѓаволи“ без многу опции за централниот дел од средниот ред, па Сеск Фабрегас одлично ќе се вклопи во неговите планови.
Самиот играч минатата недела откри дека има специјален однос со Жозе Мурињо.
„Го обожавам Жозе, го сметам за пријател и се уште сме во контакт“ – рече Шпанецот.
Сепак, вреди да се напомене дека Дон Балон не е многу веродостоен извор, а Сеск Фабрегас исто така порача дека желба му е да остане на Стемфорд Бриџ.