По поразот од Ливерпул, Славен Билиќ доби отказ, причина за тоа се лошите резултати на Вест Хем кој имаше само две победи по 11 натпревари со кои се најде на 18. место на табелата.
Отказот на Билиќ не беше изненадување, беше очекуван и од негова страна. Но според „Мирор“, тој им се јавил на дел од фудбалерите да ги праша за мислење, каде му била грешката.
Билиќ добил четири важни одговори:
– Играчите го сакале него како личност, но бил премногу мек со нив
– Не ги казнувал за непочитување на времето. Не правел проблем доколку доцнат, исто така им дозволувал да завршат и порано.
– На играчите им било дозволувано да се приклучат на тренинзите иако тие веќе биле почнати
– Интензитетот на тренинзите бил слаб, и квалитетот на тренинзите бил стандарден, како што сите очекувале
Ваквите сознанија добиени од фудбалери, Билиќ сигурно ќе ги искористи во неговиот следен ангажман.