Како што пренесува Скај Германија, Барселона се откажува од намерата да го ангажира Луис Диаз од Ливерпу и ќе се насочи кон Маркус Рашфорд, кој сега е топ трансфер цел за левата крилна позиција.
Планот Ц на „каталонците“ за засилување на офанзивата и левата крилна позиција ќе стане топ трансфер цел.
Откако извиси во обидите да го ангажира Нико Вилијамс, Барселона решила да се откаже и од намерата да го ангажира Луис Диаз од Ливерпул – „црвените“ во овој момент одбиваат да го продадат Колумбиецот, плус неговата цена е висока (околу 80 милиони евра), плус Баерн Минхен исто така го мерка играчот.
Па како што пренесува Скај Германија, третата опција сега станува главна цел и Барса со сите сили ќе тргне по ангажман на Маркус Рашфорд.
Изминатиов период често се говореше дека Англичанецот сонува за настап на Камп Ноу, па дури е подготвен и да прифати помала плата за да го облече дресот на „каталонците“.