Барселона имаше цела драма околу регистрацијата главно на Дани Олмо, но и Пау Виктор оваа зима. Двајцата останаа без право за настап во сите конкуренции, а клубот водеше голема борба со челниците на лигата околу нивната регистрација.
На крајот по голема правна борба во која беа вклучени и судовите, Барселона успеа во намерата и Олмо и Виктор добија право за настап.
Сега се откри неверојатна ситуација. Имено, Флорентино Перез одиграл круцијална улога во успехот на големиот ривал. Првиот човек на Реал Мадрид бил клучен фактор помагајќи ѝ на Барселона да добие потребни мерки за регистрација на фудбалерите.
„Пред финалето во Суперкупот, Перез директно го повика претседателот на ЦДС да го поттикне за да го прифати барањето на Барселона“, откри Радио Каталуња.