Перез не исполнува желби, Алонсо нема да добие засилувања во Реал оваа зима

Реал Мадрид ќе остане пасивен за време на зимскиот преоден рок и нема да донесе ниту едно ново засилување, без оглед на желбите на тренерот Чаби Алонсо.

Иако стратегот посочувал на потреба од дополнителна опција во средниот ред, клупската политика останува непроменета.

Според пишувањата на шпанските медиуми, единствениот потег на „кралевите“ во јануари беше реализиран преку заминувањето на Ендрик на позајмица во Лион, што практично значи и затворање на трансфер активностите за оваа зима.

Раководството е на став дека актуелниот ростер има доволен квалитет и ширина за да се остане во трка за сите трофеи. Поради тоа, нема намера да се вложуваат дополнителни средства.