Пеп: Иднината му припаѓа на овој тим на Јувентус, неверојатни се!

Манчестер Сити го претрпе седмиот пораз во последните десет натпревари во сите конкуренции, откако во Лигата на шампионите беше совладан од Јувентус (2-0).

По мечот во Торино пофални зборови за младиот и полетен ривал имаше Пеп Гвардиола.

„Иднината му припаѓа на овој тим на Јувентус, неверојатни се! Одигравме доста добро, горд сум на своите играчи. Дадоа свој максимум и се обидовме, но тешко е во Европа. Одигравме баш квалитетно. Најдобри сме, го сакам мојот тим и начинот на кој играме. Резултатите не можат да ме уверат во спротивното“, изјави Пеп.

Инаку Сити до крајот на лигашкиот дел ќе се судри со ПСЖ и Клуб Бриж. Барем една победа ќе им биде потребна на фудбалерите на англискиот првак за да се осигураат во нокаут фазата.