Чави и Ханси Флик имаат различен пристап кога се во прашање казните за доцнење, Шпанецот преферирал високи парични глоби, додека пак кај Германецот нема играње фудбал.
Педри оваа недела беше гостин во една популарна емисија и откри детали од соблекувалната на Барселона.
Тој говореше за тоа како Чави и Ханси Флик имаат различен пристап кога се во прашање казните за доцнење.
„Кај Ханси Флик, доколку доцните, не играте. Јас секогаш доаѓам 10 минути порано бидеќи мразам кога не играм“ – вели Педри.
„Веќе казни еден играч, веројатно сте читале низ весниците, станува збор за Жил Кунде против Алавес“.
„Чави имаше поинаков пристап, користеше парични казни и сумите почнуваа од 5.000 евра. Секој нареден прекршок ја дуплираше казната, па следната казна изнесуваше 10.000 евра, па таа потоа 20.000 евра…“