Панчев: Да споредувате ракомет и фудбал е како да споредувате професор од средно училиште во Скопје со Ајнштајн

Во интервју за Би-Би-Си на српски, Дарко Панчев ги омаловажува трофеите на Вардар во Лигата на шампионите велејќи дека тоа е спорт кој не се гледа во Европа.

„Да го споредувате ракометот со фудбалот е како да споредувате професот од средно училиште во Скопје со Ајнштајн. Па кој гледа ракомет во Европа? Нашите луѓе се желни за успех, да играме европско финале во куглање и да имаме голема сала и таа би била полна. Но кога сте виделе во школски двор да се соберат десетина деца и да играат ракомет? Денес не играат ништо, можеби ниту фудбал и кошарка“, вели Панчев.