Палмер: Оваа сезона учиме, од старт велевме дека не сме кандидати за титулата!

Најдобриот фудбалер на Челси, младиот Кол Палмер вели дека оваа сезона е за прилагодување со новиот тренер, за учење, па тие не се кандидати за титулата.

Челси имаше фантастична победничка серија со која му се доближи на Ливерпул, по критичарите ги ставија како најсериозен конкурент на црвените за титулата во Премиерлигата.

Од Челси упорно изјавуваа дека не се кандидати за титулата, па по вчерашниот пораз од Фулам, полесно им беше да одговараат на прашањата.

„Знаевме дека нема да победуваме на секој натпревар. Ова е прва сезона на тренерот со нас“, вели Палмер.

„Ние учиме. Од стартот сите велевме дека не сме кандидати за титулата. Само стануваме подобри како тим и се развиваме“.