Според информациите кои ги пренесуваат дел од
италијанските медиуми, се вели дека италијанскиот второлигаш Палермо започнал
преговори со македонскиот репрезентативец Илија Несторовски околу потпишување
на нов договор.
„Тутомеркато“ пишува дека тимот од Сицилија сака да го
задржи 27 годишниот македонски напаѓач до 2021. година, со ова се чини ќе се
решат сите дилеми околу шпекулациите кои се поврзуваат со нашиот напаѓач подолг
период, за негова преселба во некоја посилна екипа од Европа.
Палермо се уште нема пораз во Серија Б, по осум кола
забележа три победи и пет ремија, па така со 14 бода е на делба на првото место
на табелата заедно со Емполи и Фросиноне.
Капитенот на Палермо на пет натпревари засега постигна
четири погодоци, а воедно е прв стрелец во екипата.
Моментално, важечкиот договор на Прилепчанецот истекува
во јуни 2019. Година, а нашиот фудбалер во редовите на Палермо е до 2016. година,
досега на 40 настапи постигна 14 погодоци.
Извор: tuttomercatoweb.com