Падна договор, Хусанов ќе биде прв фудбалер од Узбекистан кој ќе игра во Премиерлигата!

Падна договор, Абдукодир Хусанов ќе потпише за Манчестер Сити, Ленс за овој трансфер ќе добие повеќе од 40 милиони евра.

Двата клуба денеска си подале рака и трансферот наскоро ќе биде и официјално реализиран.

Сумата која ќе ја плати Манчестер Сити изнесува 40 милиони евра плус бонуси, се очекува сумата да дојде до околу 50 милиони евра.

Дефанзивецот ќе стави потпис на договор до јуни 2029 година, со опција за уште една дополнителна сезона.

Хусанов е првиот фудбалер од Узбекистан кој ќе игра во Премиерлигата.