269
Во наредните денови ќе се официјализира најскапиот трансфер во историјата на турскиот фудбал, Галатасарај ќе плати дури 75 милиони евра за да го откупи Виктор Осимен.
Откако Наполи ја одби првата понуда на Галатасарај за Осимен и им стави јасно дознаење на Турците дека фудбалерот може да биде купен само со откупната клаузула, така и се случи.
Според италијанскиот новинар Џанлука Ди Марцио, Галатасарај го известил Наполи дека ќе ја активира откупната клаузула која изнесува 75 милиони евра.
Двата клуба си подале рака и трансферот наскоро треба да биде официјализиран.
Осимен претходно ги договори личните услови со Галатасарај.