Откриени нови детали: Арбелоа има договор со Реал Мадрид кој може да ги изненади навивачите

Aлваро Арбелоа седна на клупата на Реал Мадрид како привремено решение, но според последните информации тој би можел да остане и подолго.

Реал Мадрид со него доживеа елиминација од Купот на Шпанија од второлигашот Албасете, сепак во овој момент по 24 кола Реал е лидер во Ла Лига.

Имено, извори блиски до Арбелоа сега откриваат дека Шпанецот има договор со клубот да остане и до крајот на наредната сезона, па така Реал може и да не доведе ново име на клупата во текот на летото како што претходно се најавуваше.

Сепак, нема дилеми дека сетоа најмногу ќе зависи од резултатите, а денес тимот го очекува нов предизвик првиот натпревар од двомечот со Бенфика во плеј-офот за Лигата на шампионите.