Медиумите од „островото“ пренесуваат дека Челси разгледува други опции за ангажман на напаѓач откако биле изненадени од барањата за плата на Виктор Осимен, кој сака неделни примања од фантастични 500.000 фунти.
Челси и Наполи во петокот вечерта си подадоа рака за трансфер на Ромелу Лукаку, и се веруваше дека оваа зделка ќе ја отвори вратата за преселба на Виктор Осимен во Лондон.
Сепак, утрово весникот Сан објави дека „сините“ разгледуваат други опции откако биле изненадени од барањата за плата на Нигериецот.
Се шпекулира дека Виктор Осимен сака да има примања од фантастични 500.000 фунти неделно, со што ќе биде далеку најплатен на „Стемфорд Бриџ“ и еден од најплатените во Премиерлигата.
Тод Боли и неговите соработници се обидуваат да ја намалат сметката за плати и тоа е една од причините зошто Рахим Стерлинг нема иднина во Челси, Англичанецот има плата од над 300.000 фунти неделно.
Доменик Калверт Луин од Евертон се посочува како алтернатива на Челси за засилување на нападот.