Олд Трафорд оди во историјата, Манчестер јунајтед ќе гради нов стадион вреден 2 милијарди фунти?

Манчестер јунајтед до крајот на годината ќе одлучи дали да го модернизира Олд Трафорд или пак да изгради нов современ стадион.

Олд Трафорд е дом на Манчестер јунајтед од далечната 1910 година, но овој култен стадион може да замине во историјата.

„Ѓаволите“ до крајот на годината ќе одлучат дали да го модернизираат Олд Трафорд или пак да изградат нов современ стадион.

Се говори за инвестиција од 2 милијарди фунти и стадион за 100.000 навивачи, кој ќе биде најголем во Велика Британија.

Манчестер јунајтед го преферира ова второто решение, бидејќи за модернизирање на Олд Трафорд ќе потрошат над 1 милијарда фунти и ќе треба да играат со редуциран број на гледачи додека траат градежните работи.