Офсајд замките на Милан неуспешни, Наполи до три бода во дербито со Милан (ВИДЕО)

Наполи не го дава
врвот во Серија А, вечерва на домашен терен избранците на Сари триумфираа во
дуелот со Милан.

Лошата
поставеност на последната линија и неуспешните офсајд замки се покажаа како
кобни за „Росонерите“.

Резултатот беше
отворен во 33. минута, Инсиње доби една долга топка од Жоржињо и го совлада
Донарума за 1-0. Судијата го крена знаменцето за офсајд, но со помош на ВАР
погодокот беше признат.

Во 73. минута Зелински
беше тој кој ја избегна офсајд замката, биеше низ нозете на Донарума и донесе
2-0.

Во првата минута
од судиското надополнување, Ромањоло со удар од 25. метри постигна само почесен
гол бидејќи веќе немаше време за Милан да направи нешто повеќе.