208
Манчестер јунајтед го комплетираше трансферот на напаѓачот Брајан Мбуемо кој на Олд Трафорд пристигна од Брентфорд.
Црвените ѓаволи денеска го потврдија ангажманот на Брајан Мбуемо.
„Манчестер јунајтед со задоволство може да потврди дека Брајан Мбуемо му се приклучи на клубот. Камерунецот потпиша договор до јуни 2030 година, со опција за продолжување за уште една сезона“, стои во соопштението на Манчестер јунајтед.
Фудбалерот вели дека Јунајтед е клубот од неговите соништа.
„Откако дознав дека има шанса да се приклучам на Манчестер јунајтед, требаше да ја искористам таа можност да потпишам за клубот од моите соништа. Ова е тимот чиј дрес го носев додека растев“, вели Мбуемо.