Официјално: Лео Меси во Барселона до 2021 година

Барселона преку официјалниот клупски сајт потврди дека ја продолжува соработката со Лео Меси, договорот ќе биде потпишат откако Аргентинецот ќе се врати од одмор.

„Барселона и Лео Меси се договорија за обнова на договорот кој ќе го задржи Аргентинецот во клубот до 30. јуни 2021. Договорот ќе биде потпишан во наредните недели откако Меси ќе се врати за подготовките на тимот“ – стои во соопштението на Барселона.

Според некои медиуми, со новиот договор неделната плата на Меси ќе изнесува околу 500.000 евра, а ќе има откупна клаузула од 300 милиони евра.