Како што се
најави во текот на вчерашниот ден, така денес се остварија истите најави, па
калчолигашот од Милано го комплетираше трансферот на 23 годишниот десен бек од
Аталанта, Андреа Конти.
Трансферот на
дефанзивецот, Милан ќе го чини 24 милиони евра, додатно, ќе го испрати 20 годишниот
фудбалер од средниот ред, Матео Песина во Аталанта, како дел од договорот
помеѓу двата клуба.
Конти е инаку
седмото засилување за Милан во летниот преоден трансфер период, откако клубот
претходно ги договори Мусакио, Кеси, Родригез, Силва, Борини и Чалханоглу.
Раководството на
Милан правеше крајни напори во преговорите со челниците на Аталанта, подолг
период не можеше да најде заеднички јазик, но напорите на крајот се исплатеа.
За издвојување е
тоа што агентот на Конти, Марио Џуфреди, минатиот месец во изјава за
италијанските медиуми истакна дека неговиот фудбалер во срцето го има само
Милан, и Аталанта мора да се помири со тоа.