29-годишниот дефанзивец денеска ги помина медицинските тестови и стави потпис на договор со Јувентус.
Тој доаѓа на позајмица со можност целосно да биде откупен за 16,5 милиони евра плус бонуси.
„Јувентус може да соопшти дека се договори со Шалке за позајмица на Бенедик Ховедес до 30 јуни 2018 за сума од 3,5 милиони евра кои треба да бидат платени до 15 септември 2017“.
„Јувентус има право и комплетно да го откупи фудбалерот почнувајќи од 1 јули 2018 или ќе има обврска да го стори тоа доколку играчот комплетира 25 или повеќе настапи за време на сезоната 2017/2018 за сума од 13 милиони евра кои ќе бидат платени на две финансиски години“.
„Перманентниот трансфер може да се зголеми максимум за 3 милиони евра во зависност од остварените цели на тимот заклучно со 30 јуни 2020 година“ – Јувентус со соопштение детално го објасни договорот.