Официјално: Дибала во Јувентус до 2022

Јувентус ги израдува своите навивачи со веста дека е продолжена соработката со Пауло Дибала до 2022 година.

Јувентус го купи Дибала од Палермо за 34 милиони евра во 2015, а тој го потврди својот голем потенцијал во црно-белиот дрес.

Дибала беше мета на шпекулации кои го поврзуваа со трансфер во шпанските гиганти Реал Мадрид и Барселона, но неговата иднина е во Јувентус.

Според италијанските медиуми, Дибала ќе заработува исто колку и Игуаин, седум милиони евра по сезона.

Тој со два гола беше херојот на Јувентус на првиот четвртфинален меч против Барселона во Лигата на шампионите.