Францускиот крилен напаѓач Антоан Гризман од лето ќе стане нов член на Орландо Сити, откако ќе ја заврши сезоната во Атлетико Мадрид.
Гризман потпиша договор со кој ќе остане во американскиот клуб до 2028 година, со опција за продолжување до 2029-та. Со овој трансфер завршува вториот Гризманов мандат во редовите на „јорганџиите“, а американската авантура ќе биде првпат 35-годишниот фудбалер да настапува за клуб надвор од Шпанија.
Некогашниот играч на Реал Сосиедад и Барселона настапуваше и за репрезентацијата на Франција, со која го освои Светското првенство во 2018 година во Русија, а за „петлите“ од 2014 до 2024 постигна 44 гола на 137 натпревари.
ANTOINE GRIEZMANN IS A LION 🦁👑
— Orlando City SC (@OrlandoCitySC) March 24, 2026
We have signed global soccer icon and 2018 @FIFAWorldCup winner @AntoGriezmann from @Atleti. He will join the club in July 2026 on a contract through the 2027–28 season, with an option for 2028–29 as a Designated Player 👏