Тоа што се
најавуваше подолг период, денес се оствари, 25 годишниот репрезентативец на
Македонија, Езгјан Алиоски го официјализираше трансферот во Лидс јунајтед.
Алиоски, според
информациите кои пристигнуваат од Островот, потпиша четиригодишен договор со
својот нов клуб, но детали од тоа колку англискиот второлигаш издвоил за овој
трансфер сеуште не се познати.
Минатата сезона
Алиоски имаше одлични настапи, на 36 натпревари постигна 17 погодоци, притоа
реализираше и 17 асистенции. Нашиот интернационалец беше прв стрелец за својот
тим изминатата сезона, односно трет во швајцарскиот шампионат.
Тимот кој инаку
се натпреварува во Чемпионшип лигата на Англија, на одличен начин го претстави
новото засилување од швајцарски Лугано, издвојувајќи неколку убави моменти од
нашиот репрезентативец.