Голманот на Валенсија, Гиорги Мамардашвили е избран за играч на натпреварот против Реал Мадрид откако се истакна со неколку добри интервенции, Грузиецот му одбрани пенал на Винисиус а потоа го излуди и Валверде.
Валенсија со гол во 95. минута го шокираше Реал Мадрид и стигна до првата победа на „Бернабеу“ по 2008.
Уго Дуро е херојот со својот погодок во последните секунди од мечот, но огромни заслуги има и Георги Мамардашвили.
Голманот во првото полувреме му одбрани пенал на Винисиус Жуниор, но особено се истакна со една интервенција во 71. минута, кога Валверде и навивачите веќе ја видоа топката во мрежата, но Грузиецот маестрално спречи водство на домаќините.
Георги Мамардашвили, кој е главен виновник што нашиот Столе Димитриевски седи на клупа, мечот го заврши со 8 одбрани, и беше прогласен за играч на натпреварот.
MAMARDASHVILI THE MAN!! #LaLigaHighlights pic.twitter.com/9VulNrC84c
— Valencia CF (@valenciacf_en) April 5, 2025